Бројот на инфекции со коронавирус расте низ целиот свет. Постојат бројни симптоми пријавени од оние кои го прележале вирусот, вели американскиот Центар за контрола и превенција на болести. Периодот на инкубација обично трае пет до шест дена, но луѓето кои биле изложени на инфекцијата забележале некои симптоми по само два дена.
Порталот „Јади ова, а не тоа“ ги наведе симптомите.
- Губење на вкус
Гастроентерологот Амир Масу вели дека губењето на вкусот е еден од првите симптоми на инфекција со коронавирус. Може да се појави веќе два дена откако сте се соочиле со вирусот и може да трае со месеци откако ќе се опоравите. - Губење на сетилото за мирис
Покрај вкусот, д-р Масуд вели дека луѓето заразени со ковид-19 може да доживеат губење на сетилото за мирис. Доколку се појави овој симптом веднаш јавете се на лекар.
- Дијареја
Иако поретки од губење на вкус и мирис, дигестивните проблеми може да бидат и ран знак на инфекција. Една од нив е дијареја. - Гадење
Друг гастроинтестинален симптом на инфекција е гадење, открива д-р Масуд. - Подуеност во стомакот
Според студијата објавена во списанието ЈАМА, 68% од заразените испитаници ја навеле надуеноста како еден од првите симптоми.
- Сува кашлица
Повеќе од 60% од заразените идентификувале сува кашлица како еден од првите симптоми. - Треска
Треската е знак дека телото се бори против инфекцијата, а според истражувањето се случило кај повеќе од 55% од заразените. Сепак, треба да се има предвид дека треската исто така може да биде знак на многу други болести што се јавуваат во сезоната на респираторни инфекции. - Болка во телото и мускулите
Болката во телото може да укаже на ковид-19. Овој симптом се јавил кај 45% од заразените субјекти. - Главоболка
Според истражувањето, една третина од заразените доживеале главоболка. - Отежнато дишење
Отежнато дишење е еден од симптомите на инфекција со коронавирус. Обично се појавува пет дена по инфекцијата, а студија објавена во „Лансер“ открива дека повеќето пациенти со овој симптом се примени во болница седум дена по заразувањето. - Болки во грлото
Приближно една третина од заразените со коронавирус пријавуваат болки во грлото. Сепак, може да биде и резултат на сува кашлица што го иритира грлото.
