Цветовите на багремот се користат при преладеност, настинки, грип, болки во желудник, како и за смирување на главоболки.
Цветот на багремот важи за еден од најмедоносните, а медот има специфичен и пријатен вкус, со светла жолта боја.
Цветањето трае помеѓу 10 и 14 денови. Толчникот од цветот е јадлив и има сладок вкус. Токму од багремите може да се направи лековит сируп.
ВАЖНО: Доколку сте алергични на поленов прав, не го користете овој сируп.
За една доза потребно ви е:
50 цветови (целите гроздови)
5 литри превриена и изладена вода
100 гр лимонтус
500 гр лимон исечен на парчиња
5 кг шеќер
Подготовка:
Во изладената вода ставете ги цветовите багрем, лимонтусот и парчињата лимон. Покријте со крпа и оставете да отстои 24 часа. Мешајте повремено, а потоа прецедете преку цедалка обложена со газа.
Шеќерот ставете го во тенџере и варете со еден литар вода, додека да зоврие. Во топлиот сируп сипете ја добиената течност од багрем и измешајте. Сипете го сирупот во чисти стаклени шишиња и чувајте ги на суво и темно место.
Доколку сакате, можете и да ги пастеризирате. Ако сакате поинтензивен вкус, додадете повеќе цветови.
Бонус рецепт:
Исушете цветови од багрем за да подготвите чај кој ќе ви помогне при главоболки, болки во желудник и настинка.
Цветовите сушете ги на стебленцето, а откако ќе се исушат, одвојте ги и чувајте ги во хартиена ќеса или картонска кутија.
За половина литар чај потребни ви е една голема полна лажица сушен цвет.
Пробајте го и овој моќен сок за подобар имунитет.
