Конзумирањето шеќер може негативно да влијае на вашето здравје во повеќе сегменти, вклучувајќи дијабетес, дебелина и срцеви заболувања. Доколку се грижите за себе и сакате да се заштитите од негативните аспекти на шеќерот, ви нудиме природни алтернативи.
Засладувачите со нула калории се многу популарни во диеталните производи, а веќе неколку години во индустријата за храна и пијалаци, а истражувањата покажуваат дека тие можат да бидат сојузник во процесот на слабеење.
Овие засладувачи ќе ја задоволат вашата потреба за слатко:
Мед
Освен што содржи неколку витамини и минерали, необработениот мед е добар во борбата против бактериите и вирусите и може да ја ублажи кашлицата, болките во грлото и другите респираторни инфекции. Пијте го во топли напитоци, јадете го со печен леб, во овесна каша, во салати или со путер од кикирики.
Јаворов сируп
Истражувањата покажуваат дека јаворов сируп содржи најмалку 54 различни хранливи материи. Некои од нив се користат за спречување на дијабетес, рак и воспаление. Ова се однесува на чист јаворов сируп, а не на пченкарен или некој друг сируп со вкус на јавор. Можете да го користите со скара, како прелив за салати и секако како додаток на палачинки.
Стевиа
Се користат листови од грмушката стевиа од Јужна Америка. Овој засладувач содржи витамини, минерали и антиоксиданси, а нема калории. Исто така, не влијае на зголемувањето на нивото на шеќер во крвта. Засладете ги пијалоците или храната со течна стевиа или во прав. Користете мала количина од ова растение бидејќи е 400 пати послатко од шеќерот.
View this post on Instagram
Малтекс
Нуспроизвод од преработка на шеќер, попознат како Малтекс, содржи железо, магнезиум, минерали и витамин Б6. Тоа е природен лаксатив. Се користи за слатки рецепти, како и како глазура за мисирка и пилешко.
Кокосов шеќер
Исто така познат како шеќер од кокосова палма, тој се прави од сок од кокосовиот цвет. Побавно се вари од обичниот шеќер, добро влијае на нивото на шеќер во крвта и го подига нивото на енергија во телото. Содржи калиум, магнезиум, цинк и други минерали, како и витамини Б1 и Ц. Има благ вкус на карамела.
НАРОДЕН ЛЕК: Кокосовото масло штити од штетни орални бактерии и расипување на забите
