Прерано е да се знае дали варијантата на омикрон ќе биде последната фаза од пандемијата Ковид-19, рече во понеделникот д-р Ентони Фаучи, раководител на Националниот институт за алергија и заразни болести во Америка, пренесува „USAToday“.
„Отворено прашање е дали омикрон ќе го создаде имунитетот на кој сите се надеваат“, рече Фаучи, правејќи наводници со прстите на „создаде имунитетот“.
Постојат два начина да заврши пандемијата: заразната болест да се искорени или да стане ендемична, што значи дека сè уште постои без да го нарушува општеството – на пример сипаници.
„Ако ја погледнете историјата на заразни болести, ние сме искорениле само една заразна болест кај човекот, а тоа е сипаници“, рече Фаучи на Светскиот економски форум. „Тоа нема да се случи со овој вирус“.
Тоа значи дека Ковид-19 мора да еволуира во помалку опасна болест за пандемијата официјално да заврши.
И иако многу заразната варијанта на омикрон се шири како шумски пожар, некои укажуваат на неговата ниска стапка на смртност како знак дека вирусот може да станува помалку тежок.
Можно е омикрон да сигнализира дека пандемијата завршува, „но тоа би било случај само ако не добиеме друга варијанта што го избегнува имунолошкиот одговор“, рече Фаучи.
