Министерството за здравство на Хакасија во Русија објави дека ќе има информативен разговор со доктор кој ги лекувал неговите пациенти од корона вирусот со „мртва вода“.
На социјалите мрежи неодамна се појавија фотографии од рецептот на овој лекар. Лекот се сосоти од обично шише на кое пишува „мртва вода“, а пациентите тврдат дека ова не е единствениот бизарен совет што им го дал овој доктор кога се разболеле од ковид.
Сограѓанин тврди дека истиот лекар му рекол да ја спушти температурата со магнетотерапија, односно да ставил капаците од обични тегли на магнет, да ги загрее на пламен и да ги држи блиску до носот и грлото.
Други велат дека им препорачал да вдишат „мртва вода“, а од неговата канцеларија луѓето излегувале „излудени“.
Од Министерството велат дека секако ќе имаат разговор со докторот, а на повредените пациенти им препорачале да се обратат до директорот на поликлиниката во која работи докторот.
