Научници од Јапонија тврдат дека дизајнирале светлечки заштитни маски, кои помагаат да се утврди дали некое лице е заразено со коронавирус, пренесува „Japan Тimes“.
Необичниот метод за откривање коронавирус го развил тим од Универзитетот во Кјото.
Експериментот бил спроведен со инјектирање неактивен и безопасен облик на коронавирус на ноеви, а потоа ги извадиле антителата на посебен филтер поставен во маската. Овој филтер свети под УВ светлина кога е присутен коронавирусот.
По следење 32 заразени лица во период од 10 дена, научниците откриле дека сите маски што ги носеле заразените светкаат и бледеат со текот на времето како што слабее вирусот.
Претседателот на Универзитетот и водач на проектот Јасухиро Цукамото вели дека лично открил дека и самиот бил заразен со коронавирус носејќи една од експерименталните маски.
Планот на неговиот тим е да спроведе експеримент со 150 учесници и да добие дозвола од владата за продажба на маски уште следната година.
„Можеме масовно да произведуваме антитела од ној по ниска цена. Во иднина сакаме да го претвориме ова во лесна алатка за тестирање што секој може да ја користи“, рече Цукамото.
