Кога ќе почнете со тренинзи, мотивацијата е на високо ниво, но за жал, повеќето луѓе за кратко време истата ја губат. Овој проблем е причината за едно ново истражување, кое ги утврди најдобрите начини за одржување на мотивацијата, пишува „Си-Ен-Ен“.
Во истражувањето учествувале 60.000 луѓе и нивните посети во теретана биле следени во период од четири недели. Едноставните програми кои ги охрабрувале луѓето однапред да планираат тренинзи се покажале како ефикасни.
Луѓето добивале пораки 30 минути порано во кои ги потсетувале дека е време за вежбање. 24-часовната фитнес сала за секоја посета нудила поени на „Амазон“ во вредност од околу 0,22 долари. Ова ја зголемило фреквенцијата на вежбање за 9 отсто.
„Очигледно е дека сумата на пари е мала, но сепак ги мотивира луѓето редовно да одат во теретана. Секако, не мора да вежбате исклучиво таму, но промовирањето на трендот на вежбање ја зголемува фреквенцијата на одење во теретана за 24 отсто“, изјави Кети Милкман, автор на истражувањето.
Хедер Ројер, професорка на Универзитетот во Калифорнија, се согласува со тоа.
„Најдобрата тактика е да се наградуваат луѓето. Доколку сепак решат да се откажат од своите планови, малите награди треба да бидат доволна мотивација за да почнат повторно да вежбаат“, рече тој.
