Дерматолошките истражувања велат дека цврстината на човечките нокти е слична на говедско копита. Како е можно, тогаш, нашите нокти често да се лупат, да се кршливи, да не се издржливи и цврсти?
Причините се различни, од сува кожа на пределот околу ноктите или премногу влага, прекумерна употреба на средства за отстранување лакови, габични инфекции, недостаток на витамини..
Можеме да направиме многу за здравјето и убавината на ноктите, редовно хранејќи ги со природни состојки.
Краставица
Ако имате проблем со кршење на ноктите, нанесувањето краставица може значително да ја подобри ситуацијата. Не само што е богата со витамини А, Е, Б1, Б2, Б3 и Ц, туку содржи и калциум и железо. Едноставно натопете ги ноктите со екстракт од сок од краставица и држете ги 5 минути, дневно.
Вазелин
Вазелинот создава заштитен слој на ноктите и продира во внатрешноста, хидрирајќи ги и зајакнувајќи ги. Доволно е да нанесете тенок слој на ноктите секој ден. Држете го вазелинот петнаесет минути, а потоа исплакнете со топла вода и неутрален сапун.
Масло од чајно дрво
Познато по своите неверојатни антифунгални својства, маслото од чајно дрво помага да се одржат ноктите здрави, но делува и во случај на габични инфекции. Нанесете неколку капки етерично масло од чајно дрво на суви и чисти нокти секоја вечер додека не забележите резултати и бидете упорни.
Лимон и сода бикарбона
За зајакнување и избелување, исчистете ги ноктите со парче лимон или нанесете со памук и оставете да делува 10 минути. За подлабоко чистење, измешајте сок од лимон со сода бикарбона за да добиете смеса слична на паста и користете ја за добро да ги исчистите ноктите, користејќи мека четка за заби.
Масло од диво оригано
Ова масло содржи тимол, за кој е докажано дека има изразени антибактериски својства. Ако страдате од габични инфекции на ноктите или сте „закачиле“ некои бактерии, нежно протријте ги ноктите со памук натопен со масло од диво оригано.
Храна со биотин (банани, печурки, варени јајца…)
Со цел ноктите да растат побрзо, потребно е да се консумира храна богата со биотин – вид витамин Б. Според една студија, биотинот има способност значително да ги зајакне ноктите за само неколку недели и да ги претвори слабите нокти во силни. Биотинот го има во карфиол, варени јајца, банани и печурки, ореви. Вклучувањето на оваа храна во вашата секојдневна исхрана, исто така, ќе влијае на вашиот посилен имунитет во целина.
Кокосово масло
Кокосовото масло ги храни и хидрира вашите нокти, но и кожата околу нив. Нанесете неколку капки кокосово масло и масирајте ги ноктите и пределот околу нив додека не се апсорбира добро.
Јаболков оцет и вода
Потопете ги ноктите во раствор направен од вода и јаболков оцет во еднакви количини и држете ги ноктите натопени во растворот околу 30 минути. Можете исто така да ја натопите оваа течност на вашите нокти со повторување на постапката неколку пати, така што кога ќе се апсорбира, повторно ќе ја нанесете.
