Ако ви пречат лузните од акни(или био кои други) и сакате да ги отстраните прво треба да одредите од кој вид се, а потоа да започнете процес што ќе ви даде задоволителни резултати. Нивната видливост и „животен век” зависи од сериозноста на оштетувањето на ткивото.
Намалувањето и отстранувањето може да се направат на лесен и сосема безбеден начин. Еве ги најдобрите природни лекови за лекување на старите лузни:
1. Алое вера
Алое вера е растение кое има широк спектар на ефекти. Познато е по својот смирувачки ефект. Се користи за изгореници, каснувања од инсекти, рани и лузни на лицето и телото. Лузните од акни најлесно се третираат со гел од алое вера.
Алое вера се користи со нанесување на чисто лице. Гелот се нанесува со кружни движења. Може да се нанесе на целото лице, бидејќи ја прави кожата кадифена и нежна. Друг начин е да го нанесете само на лузните и да оставите да делува еден час, а потоа исплакнете. Постапката се повторува наутро и пред спиење.
2. Витамин Е
Витаминот Е има директен ефект врз регенерацијата на ткивата и затоа треба да се користи за ублажување на лузните на лицето и телото. Витаминот Е е исто така ефикасен за лузни предизвикани од изгореници.
Витаминот Е може да се купи во капсула. Капсулата со витамин Е треба да се масира во кружни движења десет минути, на лузната и околното ткиво. Исто така, можеби ќе ви требаат повеќе од една капсула, во зависност од тоа колку лузни третирате. По десетминутна масажа, маслото од витаминот Е треба да се остави на лицето дваесет минути, а потоа да се исплакне со млака вода. Оваа постапка треба да се повтори три пати во текот на денот.
3. Мед
Медот е идеален за лекување на сите несовршености на кожата. Помага да се смири кожата, ако има иритации и воспаленија на неа. Дури и ако кожата е исклучително чувствителна, медот ќе му биде многу пријатен.
Медот е богат со витамини Б и Ц, а овие витамини се неопходни за создавање на нови и обновување на старите клетки на кожата. Медот не треба да се користи ако сте алергични на него. Кога медот се користи за лузни, треба да се нанесе на проблематичната област, потоа да се стави завој или тенка, памучна крпа. Медот треба да остане на лицето цела ноќ, а наутро треба да се измие со млака вода. Оваа рутина може да ги ублажи и избледи постојните лузни на лицето.
4. Кокосово масло
Кокосовото масло е еден од најефикасните природни препарати за отстранување на лузни. Растворете половина лажичка кокосово масло во дланката и потоа масирајте ја лузната неколку минути. Кокосовото масло не мора да се мие-брзо се апсорбира, а така до кожата стигнуваат сите корисни витамини што ѝ се потребни за регенерација.
Кокосовото масло содржи лауринска и каприлна киселина, а овие киселини се одговорни за намалување, па дури и целосно исчезнување на лузните. Тоа им помага на лузните да исчезнат, а во исто време, може да спречи формирање на нови лузни.
5. Јаболков оцет
Јаболков оцет е многу ефикасен за разни видови лузни. Овој оцет го стимулира развојот на нови, здрави клетки и има корисен ефект врз балансирањето на pH вредноста на кожата. Со редовна употреба на јаболков оцет, кожата ќе стане обновена и здрава.
Јаболков оцет треба да се меша со вода, во еднакви размери. Со брис или памук, оваа комбинација може да се нанесе на исчистена кожа. Оставете го да дејствува 5 минути.
Постои уште еден начин да се направи оваа смеса. Јаболков оцет треба да се меша со двојно повеќе вода за да се разреди. На пример, една лажичка оцет и две лажички вода. Во овој случај, поголема количина од оваа течност се става на лузната и може да се остави да дејствува преку ноќ. Наутро исплакнете со ладна вода.
6. Лаванда и маслиново масло
Есенцијалното масло од лаванда е познато по тоа што може да ги смири раните, ефикасно е при лекување, изгореници и исекотини. Маслиновото масло е идеално за хидратација на сува или воспалена кожа, и може да ги осветли старите лузни на кожата.
Три капки есенцијално масло од лаванда треба да се мешаат со три лажички органско маслиново масло. Оваа мешавина треба да се нанесува директно на лузните. Масажата треба да се прави неколку минути со нежни, кружни движења. Маслото треба да остане на лицето половина час, а потоа исплакнете со млака вода. Овој третман треба да се повторува два до три пати на ден, со цел да се постигнат видливи резултати.
7. Лимон
Лимонот содржи лимонска киселина, која е моќна во осветлување на лузните. Покрај тоа, лимонот е богат со витамин Ц. Пред третманот со лимон, лицето треба да се исчисти од сите нечистотии и најдобро е да направите благ пилинг.
Можете да исцедите лимон, а потоа да го намачкате со брис таму каде што има стари лузни. Друг начин е да исечете парче лимон и да го истриете директно на проблематичната област. Лимонот на лузните треба да се чува околу десет минути, а потоа исплакнете со ладна вода. Овој третман треба да се повторува еднаш дневно.
8. Компири
Компирот е богат со витамини и минерали и има влијание врз здравјето на кожата. Може да ги избледи лузните и да ги намали. Компирите треба да се исечат на прстени и да се стават таму каде што се лузните. Прстените од компири треба да се чуваат на лицето додека не почнат да се сушат. Кога ќе се исуши едно парче, се зема ново и се става на лузната.
Парчињата од компирот треба да се отстранат на околу 20 минути, а потоа лузната треба да се остави да се исуши околу 10 минути. Областа каде што беа парчињата на компирот треба да се измие со ладна вода. Со секојдневна употреба, лузните ќе бидат значително побледи за помалку од две недели.
9. Сода бикарбона
Можеби не сте знаеле, но сода бикарбона е многу ефикасна во борбата против старите лузни. Ова е поволен и ефикасен метод кој влијае на обновување на кожата, како и лузни кои имаат потемна боја во споредба со здравата кожа.
Содата делува на кожата како пилинг, длабоко ја чисти и ги отстранува мртвите клетки. Сода бикарбона се меша со вода додека не се добие густа паста, која се нанесува на лузната. На кожата, пастата се суши десет минути, а потоа треба да се измие со млака вода. Доволно е да ја повторите оваа постапка неколку пати неделно, а резултатите нема да се пропуштат.
10. Маточина и темјан
Комбинацијата на етерично масло од темјан и етерично масло од маточина е добитна комбинација во борбата против старите лузни. Овие две масла треба да се мешаат во еднакви количини, 2 капки ќе бидат доволни за една поголема лузна. Смесата се нанесува на лузната и се остава да делува 45 минути. После тоа, лицето треба да се исплакне со млака вода. Постапката може да се повтори 3 пати на ден.
Она што е важно да се знае е дека сите природни препарати се безбедни за кожата и дека немаат несакани ефекти. Не се препорачува да се користи на отворени рани, туку само на стари лузни. Ако се забележи каков било вид иритација, третманот треба да се прекине.
Природното лекување дава гарантирани резултати, но потребно е трпение и време. Лузните не можат да исчезнат преку ноќ, но можат да се намалат и избледат со редовна употреба на природни состојки.
Извор: „uspesna zena“
