Кајли Џенер и Тревис Скот го очекуваат своето второ дете, велат извори за „PageSix“.
Откако се роди нивната ќерка Сторми во февруари 2018 година, 24-годишната Кајли во неколку наврати изјави дека не сака нејзината ќерка Сторми да биде единица, а се чини дека нејзината желба конечно и ќе се оствари.
„Чувствувам притисок бидејќи сите ја сакаат Сторми. Дефинитивно чувствувам притисок да ѝ родам брат или сестра. Бременоста не е шега. Тоа е сериозна работа, тешко е“, изјави Кајли минатата година во интервју за „Harper’s Bazaar“.
View this post on Instagram
Гласините за наводната втора бременост започнаа уште во јуни, кога Кајли Џенер објави фотографија на социјалната мрежа „Инстаграм“ на која позираше во војнички дизајн. Деновиве повторно се актуелизираше темата откако неколку извори за странските медиуми со сигурност тврделе дека гласините се вистина.
Но засега, ниту таа ниту нејзиниот партнер, раперот Тревис Скот не ја потврдиле веста.
View this post on Instagram
Кајли и Скот се заедно од април 2017 година. Ѕвездата својата прва бременост ја чуваше далеку од очите на јавноста, и веста за истата ја откри дури откако се роди нејзината ќерка Сторми.
„Бев многу млада кога забременив и ми беше премногу. Не знаев како ќе го објавам тоа во јавноста. Мислам дека тоа беше нешто што морав да го поминам сама“, објасни во една прилика.
