Ѕвездата од серијата „Stranger Things“ Гатен Матаразо (17) како што пишуваат странските медиуми, во петокот правел операција каде што отстранил 14 дополнителни заби. Младата актерска надеж изјавила дека постапката траела дури 4 часа и дека се поминало во најдобар ред.
Станува збор за клеидокранијална дисплазија, односно ретко генетско пореметување кое влијае на растот на забите и коските. Матаразо рекол дека има повеќе заби од просечната личност иако не растат правилно.
Во постот на Инстаграм тој им пренел на своите 13 милиони следбеници дека поминал низ голема операција. Тој се надева дека операцијата била успешна и дека воедно е неговата последна.
„Иако мојот израз на оваа слика можеби не покажува, операцијата беше потполн успех“, објаснил Матаразо на фотографијата на Инстаграм каде што има завој околу целото лице што му е отечено.
Клеидокранијална дисплазија, позната и како CCD, погодува едно од милион деца и може да се пренесе од родител или да биде предизвикано од несумична мутација, наведува CCD Smiles, непрофитабилната организација со која Матаразо работи. Пред 3 години актерот јавно проговори за својот проблем.
„Тоа е состојба во која сте родени без своите клучни коски – немам ниту една – тоа влијае на растот на вашето лице и влијае на вашите заби. Од таа причина немам ниту еден заб – на ова место се лажни – имам заби, но сите ми се млечни“, рекол тогаш актерот.
Иако станува збор за конгенитално пореметување, Матаразо рекол дека е првиот во семејството кој го има тоа. Но, тоа значи дека тој таа состојба може да ја пренесе на своите деца.
„Затоа, сакам само да се подигне свеста за тоа, луѓето да знаат дека тоа не е нешто од кое треба да се плашат да го покажат“, смета тој.
