Сопственикот на српската ТВ Пинк, Жељко Митровиќ, изминатиот викенд влезе во „Задруга“ за да разговара со учесниците во реалното шоу.
Неговиот влез ги изненади сите. Големиот шеф направи преседан и влезе во Белата куќа за прв пат во сите шест сезони за да направи сериозен разговор со учесниците во реалното шоу, а пред милиони гледачи.
Тој ги извести учесниците за одлуката на продукцијата дека веднаш ќе бидат дисквалификувани доколку влезат во каква било физичка пресметка.
Освен тоа, Митровиќ соопшти дека не е сигурен дали во иднина ќе се емитува реалното шоу на телевизија Пинк. Тоа во што е сигурен, е дека ова е псоледна сезона на „Задруга“ и дека доколку повторно се емитува реално шоу, тоа ќе биде сосема поинаку осмислено и сосема во нова форма.
– Ќе седнеме, моите најблиски соработници и јас, и ќе видиме дали воопшто во иднина ќе имаме реално шоу, а ако воопшто го имаме, тоа ќе биде во сосема нов облик и нова форма, па така ќе бидете познати по нешто, што не е мала работа, а тоа е дека ќе бидете последна генерација на ова реално шоу. Значи, реков, нула толеранција на физички контакт, ќе ви пропаднат сите хонорари, ќе си одите со нула надвор – рече сопственикот и директор на Пинк Медиа Груп, Жељко Митровиќ.
