Доцнењето на обезбедувањето финансиска помош од Европската унија за Украина во износ од 8 милијарди евра е вештачко, смета украинскиот претседател Володимир Зеленски.
„Осум милијарди евра за Украина сè уште се во мирување. А ваквото вештачко доцнење на макрофинансиската помош за нашата држава е или криминал или грешка“, рече шефот на државата во видео пораката објавена на неговиот канал Телеграм, пренесува аиф.ру.
Според Зеленски, украинските пензионери, наставници и други жители на земјата, зависни од буџетските плаќања, се заложници на „неодлучноста или бирократијата“ на политичарите во Европа. Претседателот на Украина рече дека редовно се обидува на различни начини да потсети некои европски лидери на недозволивоста поради таквата ситуација.
Зеленски не прецизираше која од европските држави го забавува обезбедувањето помош за Киев. Тој изрази надеж дека доцнењето е грешка која ќе се исправи.
Претходно портпаролката на руското Министерство за надворешни работи Марија Захарова ја критикуваше ЕУ за нејзината одлука да одвои 500 милиони евра за испорака на оружје за Украина.
