Претседателот на Украина Володимир Зеленски даде изјава за Херсон која ја објави на својот Телеграм.
„Денес е историски ден. Го враќаме Херсон. Од сегашниот момент нашите бранители се на периферијата на градот. Но, специјалните сили се веќе во градот“, рече Зеленски.
Тој, исто така, се заблагодари на секој војник и секоја единица на вооружените сили на Украина кои учествуваа во офанзивната операција на југ.
Шефот на државата додаде дека е среќен кога гледа како луѓето и покрај сите закани ги штитат украинските знамиња и веруваат во Украина.
Претходно, „Вашингтон пост“ објави дека САД доверливо го повикале Киев да покаже подготвеност за преговори.
„Заморот на Украина е вистински проблем за некои од нашите партнери“, рече еден американски функционер, кој, како и другите интервјуирани за овој извештај, зборувал под услов да остане анонимен за да разговара за чувствителните разговори меѓу Вашингтон и Киев.
