Кинеските власти допрва треба да ја откријат причината за овој чуден феномен, а на интернет кружат различни теории.
Збунетите жители на Пекинг се предупредени да користат чадори откако во главниот град на Кина почна да врне необичен дожд.
Во последните денови, снимката стана вирална на социјалните мрежи на која се гледа „дожд од црви“ на улиците на главниот град, со лигави бубачки кои ги покриваат автомобилите.
Ел Хералдо објави дека на жителите на Пекинг им било кажано да ги напуштат своите домови само со чадори.
На снимките од вестите, жителите може да се видат како ја извршуваат својата секојдневна работа со подигнати чадори за да не бидат погодени од црвите што паѓаат.
И додека кинеските власти допрва треба да ја откријат причината зад овој чуден феномен, теориите почнаа да се појавуваат на интернет.
‘Rain of worms’ floods Beijing
A “rain of worms” flooded Beijing this week, according to videos posted on social networks. In the images, it is possible to see the “animals” covering streets and vehicles. pic.twitter.com/V2uaX6Oowk
— The Rio Times (@TheRioTimes) March 8, 2023
Некои сугерираат дека тоа би можело да се цветови од топола, многу популарно дрво во областа што е полно со семиња и, кога цветовите паѓаат, често се мешаат со изгледот на гасеници.
Друга теорија сугерира дека црви почнале да паѓаат откако биле разнесени од силни ветрови, теорија поддржана од научното списание Mother Nature Network, кое објаснува дека овој вид на животински инцидент се случува по бура.
„Крајот на светот е се поблиску“, вели еден корисник на Твитер.
Во 2011 година сличен феномен се случи и во Шкотска. Наставникот по физичко образование, Дејвид Крајтон, ги водел учениците кога слушнале „туп“, а потоа погледнале нагоре за да видат десетици црви како паѓаат од небото.
