– Под влијание на ИЗРАЗЕНА ЦИКЛОНСКА активност од запад и на серија на влажни воздушни бранови, во текот на цела оваа седмица времето во Македонија ќе биде променливо облачно повремено со врнежи од дожд.
Локално и повремено врнежите ќе бидат ПОРОЈНИ и ОБИЛНИ (над 65 л/м2), со што е можна појава на локални ПОПЛАВУВАЊА. Ќе дува ЗАСИЛЕН, повремено СИЛЕН ветер од јужен и од југозападен правец (над 80 км/час).
На повисоките планините ќе има врнежи од снег и ќе се формира ПОЗНАЧИТЕЛНА снежна покривка. Особено во четврток локално ќе биде нестабило со интензивен пороен дожд, грмежи и силен јужен ветер. Локално овие процеси би можело да бидат застапени во форма на НЕВРЕМЕ.
Температурите овие денови насекаде ќе се искачуваат над 10 степени, додека во најтоплите централни и југоисточни предели температурите ќе се искачат до околу 20 степени.
Поради силниот ветер кој се очекува препорачуваме КРАЈНА ПРЕТПАЗЛИВОСТ. Големо заладување на времето и врнежи од снег и на пониските места (градови) барем одсега гледано се очекува за време на викендот. На планините тогаш снежната покривка ќе надминува 50 цм, а снежна покривка ќе се формира понекаде и во градовите – вели метеопрогнозерот Славчо Попоски.
