Откако „прошета“ по речиси сите фестивали низ светот, украинскиот претседател Володимир Зеленски сега се појави со видео порака на фестивалот Гластонбери за да ги повика присутните да ја „шират вистината“ за конфликтот со Русија.
Зеленски го упати својот апел на англиски јазик преку видео порака до десетици илјади учесници на музичкиот фестивал што се одржува во југозападна Англија: „Русија ни го украде мирот. И ние во Украина би сакале да го живееме животот како некогаш и да уживаме во слободата и ова прекрасно лето. Но, не можеме да го направиме тоа бидејќи се случи најстрашното нешто. Направете притисок врз сите политичари што ги познавате да помогнат во враќањето на мирот во Украина. Времето е бесценето и секој ден се мери со човечки животи“.
View this post on Instagram
„Ширете ја вистината за руската војна. Помогнете им на Украинците кои беа принудени да ги напуштат своите домови поради непријателствата. Побарајте ја нашата добротворна платформа @ united24.gov.ua. И вршете притисок врз сите политичари што ги знаете да и помогнат на Украина да го врати мирот“, вели Зеленски.
