Во Нови Сад се одржаа концертите на Александра Пријовиќ, а нејзината колешка Дара Бубамара беше нејзина гостинка. По тој повод фолк-пејачката на публиката ѝ ја покажа својата завидна фигура, пишуваат српските медиуми.
Имено, Дара на сцената се појави во кожени панталони и маица која го истакнаа нејзиниот стомак и половината, а сите се согласија дека пејачката изгледа одлично.
Таа по настапот се огласи преку социјалната мрежа Инстаграм и истакна дека е полна со впечатоци бидејќи сцената ја споделила со популарната Пријовиќ.
– Драги мои, сè уште сум под впечаток на концертот на мојата Александра Пријовиќ на кој гостував! Ме воодушеви и ме потсети колку многу ме сакаат луѓето во мојот град! Нови Сад, засекогаш! Ви благодарам на сите за ваквиот емотивен и енергичен пречек – напиша Дара.
Да потсетиме, Алекснадра Пријовиќ со емотивни зборови ѝ се обрати на колешката кога и се придружи на сцената.
– Најголем аплауз за Дара! Даро, сакам да ти кажам дека те сакам и ти благодарам што си овде вечерва! Денес, кога бевме на проба, ви кажав дека секогаш ми е најголема чест кога доаѓаат оние чии песни пораснав слушајќи. Пораснав слушајќи ги твоите песни, а денес имам можност да ја отпееме оваа песна заедно, во вашиот град – рече Александра пред преполната сала.
View this post on Instagram
