По најавата дека песната „Circles“ на македонската претставничка Андреа на Евровизија ќе доживее финална верзија, видеото е тукушто објавено на официјалниот Јутјуб канал на Евровизија.
Песната е дополните обработена, со намера да се направи најдобрата верзија од неа за Торино.
Како што дознава „еуросонг.хр“, телевизиската куќа МРТ обезбедила 2.000 евра од буџетот како дел од пакетот за поддршка даден на претставничката на Северна Македонија на Евровизија.
Инаку, Македонија е една од низата земји кои нудат финансиска поддршка на својот претставник по победата на националниот избор, додека во други земји за финансирање на настапот на Евросонг се користат приходите од телевизиски гласови.
Освен ревидираната верзија, објавен е и спот во продукција на Македонската Радио Телевизија, а во режија на Горан Цветковиќ.
Спотот е снимен на повеќе локации, помеѓу кои и Македонска пошта, Македонски железници и Студентскиот дом Гоце Делчев.
Како ви се допаѓа?
