Музичката ѕвезда Анѓела Игњатовиќ, попозната како Бресквица, неодамна објави албум со 13 нови песни кои создадоа вистински бум и многу позитивни коментари и реакции од публиката.
Сепак, има и негативни, а особено се истакна еден, на корисник на социјалната мрежа ТикТок, кој ја обвини пејачката дека инспирацијата за нејзиниот албум ја наоѓа меѓу бројните колешки и нивните нумери.
Во видеото кое стана вирално на споменатата платформа, детално се прикажани кадрите, како и текстот на песните за кои многумина во коментарите тврдат дека се копирани, додека некои сметаат дека не се ни слични.
Како што се наведува понатаму, Бресквица наводно нашла инспирација во песната на Гоца Божиновска.
Се зборува и дека инспирацијата ја нашла во песна на поранешната група „Министарке“.
