Браќата Стефан и Мартин Филиповски од музичкото дуо „Некст тајм“ се вратија во градинката „Бубамара“ во Ново Лисиче, каде што ги поминале најраните детски денови, но овојпат со посебна причина – да ги израдуваат новите генерации дечиња.
Со помош на своите соработници, музичарите разубавиле неколку занимални со шарени цртежи, а за најмалите обезбедиле и нови играчки.
Со овој убав гест, браќата сакале да го направат просторот во кој децата секојдневно престојуваат уште попријатен и повесел.
„Се надеваме дека ова утро измамивме повеќе насмевки од вообичаено“, напишаа браќата на социјалните мрежи, додавајќи дека понекогаш среќата навистина се крие во малите нешта.
View this post on Instagram
