Пејачката Александра Пријовиќ ја продолжи концертната турнеја „Од истока до запада“, а синоќа го одржа своето четврто по ред шоу во Хрватска, каде закажа пет загрепски Арени.
Имено, покрај тоа што публиката цела вечер пеела во дует со неа, кон крајот на концертот неколку минути скандирале „Пријо, те сакаме“, по што пејачката се разнежнила од емоции и не можела да ги задржи солзите.
„Мора ли секоја вечер да плачам?“, праша Александра и доби огромен аплауз.
Инаку, Пријовиќ имала и гости како изненадување на концертот, а со неа пееле Саша Матиќ, како и Лепа Брена, Јелена Розга и Наташа Беквалац.
Пријовиќ на својата публика ѝ откри дека пеела со Матиќ додека била во седмиот месец од бременоста со синот Александар, кој исто така овој пат бил со мајка му.
Она што ја допрело е моментот кога малиот Александар излегол кај мајка си на сцената и ѝ подарил плишано мече, поради што пејачката повторно била на раб да се расплаче.
