Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Денес Теа ни зготви еден многу посебен бургер – халуми песто бругер со карамелизиран кромид.
– Идеален е за оние кои не се љубители на месо и оние кои сакаат за кратко време да подготват бургер – вели Теа.
– Халуми сирењето потекнува од Кипар. Ова е незреено, меко сирење и е мешавина на козјо и овчо млеко (некаде е само овчо млеко). Ова сирење најдобро е да се подготвува на скара – додава таа.
Потребни состојки:
200 гр. халуми сирење2 бургер лебчиња2 лажици песто50 гр. мајонез1 домат1 кромид15 мл. балсамиран оцет1 лажичка кафеав шеќерсалата микс (марула, рукола)500 гр. компирисол и бибермасло за јадењеПОДГОТОВКА
Компирите исечете ги и ставете ги да се печат на хартија измешани во сол, масло и бибер во загреана рерна на 250 степени.
Халумито исецкајте го на парчиња и пропржете го на тава со малку масло.
Кромидот и доматот исецкајте ги на ситни ленти и тргнете ги на страна.
Во тава ставете масло да се загрее. Ставете го кромидот и пржете го 5 минути. Измешајте ги на страна оцетот, 2 лажички вода и шеќерот. Ставете ги во кромидот и пржете го уште 3-5 минути.
Во мал сад измешајте ги пестото и мајонезот.
Измијте ја салатата и исецкајте ја.
Кога ќе бидат готови компирите ставете ги лебчињата да се загреат малку и потпечат.
На долниот дел од лебчето ставете од песто/мајонез дресингот. Ставете салата, домати, халуми, карамелизиран кромид и затворете со другото лебче.
По желба на страна ставете плус салата и од компирите.
Добар апетит!
