Оркестарот Калуш одлучи да не излезе на сцената, освен ако Русија дефинитивно не ја прекине инвазијата. Во спротивно, изведбата ќе биде виртуелна.
View this post on Instagram
Војната меѓу Русија и Украина нанесе и тешки последици врз светот на забавата. Конкретно на изборот за песна на Евровизија, закажан во Торино од 10 до 14 мај 2022 година. По исклучувањето на Русија, извесно е дека и Украина нема да биде присутна на сцената, доколку не заврши војната.
Организацијата на Евровизија го потврди присуството во ПалаОлимпико (Торино) на оркестарот Калуш, претставник на украинската делегација. Но, само неколку дена по објавувањето, бендот ја смени одлуката. Музичарите се изјасниле дека ќе настапат во живо само доколку до 10 мај конечно биде завршена војната што ја уништува нивната татковина.
Доколку војната до тогаш не заврши, оркестарот Калуш ќе го сними нивниот настап на безбедно место и ќе го испрати до организаторите на Евровизија.
Украинските музичари веќе почнале да го снимаат својот настап кој виртуелно би се прикажувал во Торино. Одлуката е донесена, и меѓу другото, што со оглед на драматичната ситуација во земјата, би можело да биде речиси невозможно или многу комплицирано да стигнат до Италија за да можат да настапат на сцената. За сега, музичарите се на безбедно место и го подготвуваат својот настап во близина на Киев, во пограничен град засега далеку од руското бомбардирање.
Инаку, според кладилниците каде гласаат еворвизиските фанови, украинските претставници се пласирани на првото место.
View this post on Instagram
