Познатиот актер Том Хенкс и неговата сопруга Рита Вилсон се пуштени од болницата во Квинсленд во Австралија, каде беа лечени од коронавирусот.
Тие двајца се сега во самоизолација, кажал нивниот син Чет преку видеопорака која ја објави на Инстаграм.
– Моите родители се пуштени од болница. Тие се во самоизолација и се чуствуваат многу подобро. Тоа е олеснување – рекол Чет Хенкс и навел дека се моли за сите луѓе кои се борат против коронавирусот.
– Мора да останеме мирни, бидејќи паниката е безпотребна – навел Хенкс помладиот во својата порака.
Да потсетиме, Том Хенкс замина во Австралија за да се подготви за снимање на филмот за Елвис Присли, во кој игра менаџерот на кралот на рокенролот, полковникот Том Паркер.
Од друга страна, пејачката и актерка Рита Вилсон во Австралија отпатувала со него поради закажаните концерти во Сиднеј и Бризбејн.
