Македонската пејачка и водителка Бојана Скендеровски го одбележа роденденот на својата ќеркичка Искра со емотивна објава на социјалните мрежи, во која се потсети на моментите кога за првпат ја почувствувала мајчинската љубов.
По тој повод, таа сподели две фотографии од Искра и ѝ посака секогаш да блеска и храбро да чекори низ животот, знаејќи дека мајка ѝ секогаш ќе биде покрај неа.
„Ти си мојата најголема желба која ми се оствари, ти ме направи мајка, те сакам од моментот кога беше една точка која светеше на екранот на првиот преглед, уште ти го паметам мирисот на кожата кога те приближија да те бакнам во салата за породување, а денес си моето огледало, и секој ден се повеќе сфаќам колку брзо растеш и колку си паметна… Блескај Искра моја, тука сум да те пратам. Среќен роденден!“, напиша Бојана.
View this post on Instagram
Со овие зборови, пејачката се наврати на првиот ултразвучен преглед, моментот кога за првпат ја бакнала својата ќерка по породувањето и радоста што ѝ ја носи нејзиното растење.
Бојана и нејзиниот сопруг, покрај ќеркичката Искра, го имаат и синот Ѓорѓи.
