Американската поп ѕвезда Тејлор Свифт е на врвот на листата на најдобро продавани музичари во 2019 година благодарение на успехот на нејзиниот албум „Lover” со кој ги фрли во сенка ѕвездите како корејската поп сензација „BTS”, објави групацијата „IFPI” во понеделникот.
Ова е втор пат 30-годишната пејачка и авторка да го заземе првото место на светот по продажба. Тоа за првпат и се случи во 2014 година со дебитантскиот албум „1989”.
„Lover” е нејзиниот седми студиски албум кој вклучува хитови како насловната песна, балади и синглот „ME!”.
По Свифт, на листата за 2019 година се најде британскиот пејач и автор Ед Ширан, а по него следуваат раперот Пост Малоун и тинејџерската ѕвезда Били Ајлиш, која ја урна конкуренцијата на доделувањето на Греми наградите во јануари.
Рок бендот „Queen” основан во 1970 година во Лондон се најде на петтото место. Заработката на групата пораснала по објавување на биографскиот филм за Фреди Меркјури, „Bohemian Rhapsody”. По “Queen” на шестото место се најде популарната јужнокорејска група „BTS”.
Тејлор Свифт се најде и на првото место на листата на Форбс на најплатени музички ѕвезди со заработка од неверојатни 185 милиони долари од новиот албум и турнеите. Нејзината турнеја „Reputation” стана најисплатливата американска турнеја во историјата со заработка од дури 266 милиони долари.
Sundance was as snowy and fun as this photo shoot foreshadowedТејлор се најде и на врвот на листата на најплатени женски музички ѕвезди на која ја надминала и Бијонсе за 100 милиони долари, а се најде и на врвот на најплатени ѕвезди во 2018 година.
Неодамна на „Netflix” излезе документарецот за неа наречен „Miss Americana”.
