Поминаа веќе точно четири децении откако познатиот писател Стивен Кинг го напиша популарниот роман „The Stand“, во кој станува збор за смртоносната епидемија која усмртува поголем дел од човечката популација, а авторот на овој бестселер вели дека му е тешко да разбере како властите не увиделе дека коронавирусот пристигнува.
– Во последните три или четири седмици многу луѓе почнаа да ми велат: „Живееме во светот на Стивен Кинг“. И сè што можам да им кажам е дека би сакал да не е така, – изјави Кинг за Си-ен-ен, чија книга „The Stand“ е продадена во над 350 милиони примероци ширум светот.
– На ова долго се чекаше, ја напишав „The stand“ за пандемијата која уништи половина од човечкото општество и фала му на Бог што оваа ситуација сега не е толку страшна како таа што ја опишав во книгата од 1979 година. Не ми е јасно како никој не е подготвен на ваква ситуација – вели Кинг.
Кинг е познат по своите отворени критики кон Доналд Трамп, особено во врска со неговата реакција на пандемијата, а на својата листа на политичари од кои што е незадоволен се ноѓа и гувернерот на Флорида, републиканецот Рон ДеСантис.
Кинг потсети дека Трамп од претходно зборуваше дека „ова не е ништо сериозно, односно дека не треба да се грижиме и дека сè ќе биде во ред“.
„ Но, потоа кога берзата почна да „умира“, кога реалноста стана поразлична, Трамп почна да зборува: Само полека. Сè ќе се случи како некое чудо. Сè ќе биде готово до Велигден и ќе имаме полни цркви. За по неколку денови да зборува за карантин“ – истакна Кинг, искажувајќи го своето незадоволство.
