– Под влијание на студена воздушна маса од север, утре, како и во текот на следните денови времето во Македонија ќе се задржи променливо облачно и студено со сончеви периоди и со умерен до засилен северен ветер. Утре, а особено во сабота се очекуваат и локални послаби врнежи претно од снег. Минималните температури на повеќе места ќе се спуштаат под нулата, односно истите ќе се спуштаат во интервалот од -7 до 1 степен, додека максималните ќе се искачуваат во интервалот од -1 до 8 степени – вели метео прогнозерот Славчо Попоски.
Според Попоски, нешто потопло ќе биде утре кога максималните температури ќе се искачуваат во интервалот од 2 до 10 степени.
И во Скопскиот регион во следниот период времето ќе биде променливо облачно и студено со сончеви периоди, но и со услови за локално и сосема слабо прврнување на дожд и на снег. Ќе дува умерен до засилен ветер од северен правец. Температурите ќе се искачуваат во интервалот од 4 до 8 степени.
