Лејди Гага во неодамнешното интервју за „Variety“ проговори за снимањето на филмот „House of Gucci“ и откри дека ѝ била потребна психолошка помош поради „мракот“ што улогата на Патриша Региани ја внела во нејзиниот живот.
View this post on Instagram
„Ќе бидам целосно искрена. Живеев како неа година и пол. И цели девет месеци продолжив да зборувам со акцентот што го користев за време на снимањето“, рече таа. „И кога се исклучија камерите, не излегов од таа улога. Веднаш ја бојадисав косата и почнав да живеам како Патриша Реџиани“, вели 35-годишната ѕвезда.
View this post on Instagram
„Или поминував време во мојата хотелска соба, каде што живеев и зборувавцело време како Реџиани, или бев на снимање, каде што живеев и повторно зборував како неа. Се сеќавам дека еден ден во Италија отидов на прошетка. Пред тоа не шетав надвор од сетот околу два месеци и наеднаш ме фати паника. Мислев дека сум на филмскиот сет“, изјави Гага.
Ѕвездата призна дека нејзините сцени од филмот и реалниот живот почнале да се испреплетуваат, па во еден момент, при крајот на снимањето веќе не знаела што е реалноста.
View this post on Instagram
„После снимањето, со себе носев темнина бидејќи животот на Патриша беше мрачен. Побарав помош од психологот кој работеше на сетот. Некако почувствував дека морам да го сторам тоа бидејќи се чувствував посигурна“, рекла таа.
Гага додава дека оваа информација не ја споделува јавно за да ја „слави“ својата посветеност на актерството. Таа вели дека ѝ пристапила на улогата во филмот „House of Gucci“ на ист начин како и на претходната улога во филмот „A Star Is Born“.
Целосно се поистоветила со ликот, што може да објасни зошто ѝ требало психолошка помош за време на снимањето.
Но како што вели, на крај не било се толку болно, но можеби е време да смени некои работи и да поработи на некоја „полесна“ улога.
„Би сакала да се пробам во некоја романтична комедија, иако „House of Gucci“ е исто така драма со комични елементи“, вели Лејди Гага.
Како долгогодишен поборник за грижа и работа на менталното здравје, Гага истакна дека се надева дека нејзините искуства ќе им помогнат на другите кои се соочуваат сo слични проблеми.
„Во ред е да побарате помош. Ако мислите дека ви треба, не двоумете се да побарате стручна помош“, посочи таа.
