– Денес времето во Македонија ќе биде сончево и МНОГУ СТУДЕНО со мала до умерена локална облачност. Во вечерните часови, и во текот на ноќта ќе има зголемување на облачноста и ќе има локално провејување на снег, особено во северните и во североисточните предели. Ќе дува умерен до засилен ветер од северен и од северозападен правец, најизразен долж Повардарието. Максималните температури ќе се искачуваат во интервалот од -5 до 2 степени, додека во крајните југоисточни предели истите се очекува да се искачат до околу 5 степени – вели нашиот метео прогнозер Славчо Попоски.
Во Скопје и околината времето ќе биде сончево и СТУДЕНО со мала до умерена локална облачност и со умерен до засилен ветер од северен правец. Во вечерните и ноќните часови ќе има повеќе облачност и ќе има услови за локално и слабо провејување на снег. Максималната температура ќе се искачи до околу 2 степени.
Според Попоски, потоа, во следните неколку денови времето ќе се задржи променливо облачно и МНОГУ СТУДЕНО со сончеви периоди, на некои места и подолги. Ќе продолжи да дува умерен, повремено засилен ветер од северен и од северозападен правец, а ќе има услови и за сосема слабо и локално провејување на снег. Наутро температури ќе биде ИСКЛУЧИТЕЛНО НИСКИ и ќе се спуштаат во интервалот од -15 до -4 степени, додека понекаде истите се очекува да се спуштат дури и до близу -20 степени. Максималните дневни пак ќе се искачуваат во интервалот од -5 до 3 степени.
