– Како што најавивме, во остатокот од овој викенд, како и во првите денови од следната недела времето ќе се задржи променливо облачно со повремени локални врнежи од дожд, додека на планините и на некои повисоки места врнежите ќе бидат од снег, и тоа особено за време на викендов. Исто така викендов ќе дува и умерен до засилен ветер од југозападен правец – вели нашиот метео прогнозер Славчо Попоски.
Температурите ќе бележат тенденција на пад и од утре ќе биде посвежо со максимални температури кој ќе се искачуваат во интервалот од 9 до 18 степени, додека наутро истите понекаде ќе се спуштат само малку под нулата.
И во Скопскиот регион во остатокот од овој викенд, како и во првите денови од следната недела ќе има услови за повремени врнежи од дожд, а викендов се уште ќе дува умерен до засилен ветер од југозападен правец. Температурите ќе се искачуваат во интервалот помеѓу 13 и 17 степени.
Напомена: Во остатокот од овој викенд се уште има услови за ретка појава на нестабилност, проследена со пороен дожд, грмежи и силен ветер.
