– Како што најавивме, и утре времето во Македонија ќе биде облачно и СТУДЕНО со повремени врнежи од дожд а повеќе врнежи ќе има во јужната половина од државава, додека на повисоките места и на планините врнежите ќе бидат од снег. Ќе дува слаб до умерен ветер од северен правец и истиот особено долж Повардарието ќе засилува на интензитет. Снежната граница понекаде има услови да се спушти и под 1000 м.н.в. Температурите ќе се искачуваат во интервалот само од 2 до 10 степени, вели метео прогнозерот Славчо Попоски.
И во Скопје времето ќе биде облачно со повремени врнежи од дожд, додека на околните планини ќе има услови за слаби врнежи од снег. Ќе дува слаб до умерен ветер од северен правец. Максималната температура ќе се искачи до околу 8 степени.
Според Попоски, од вторник времето ќе биде променливо облачно со повремени локални врнежи од дожд а максималните температури ќе бележат тенденција на пораст, додека минималните понекаде ќе се спуштаат под нулата.
