– Денес времето во Македонија ќе биде претежно облачно со повремен локален дожд. Ќе дува слаб до умерен, а во вечерните часови повремено на некои места засилен ветер од северен и од северозападен правец. Температурите ќе се искачуваат во интервалот од 6 до 13 степени – вели нашиот метео прогнозер Славчо Попоски.
Во Скопје и околината времето ќе биде претежно облачно со услови за повремен дожд. Ќе дува слаб до умерен, а во вечерните часови повремено засилен ветер од северен и од северозападен правец.Максималната температура ќе се искачи до околу 8 степени.
Според Попоски, утре ќе се задржи променливо облачно време со сончеви периоди. Ќе дува умерен до засилен ветер од северен правец, додека од петок па натаму времето ќе биде сончево со мала до умерена локална облачност. Ќе дува слаб до умерен ветер од северен и од северозападен правец и истиот повремено на некои места ќе засилува на интензитет. Температурите и понатаму ќе бидат натпросечно високи и максималните дневни ќе се искачуваат во интервалот од 7 до 15 степени. Особено топло и стабилно ќе биде во првите денови од 2022 година, односно за време на викендот кога максималните температури ќе се искачуваат во интервалот од 10 до 16 степени.
