– Под влијание на влажна и СТУДЕНА воздушна маса од север, во текот на денешниот ден, како и утре времето во Македонија ќе биде облачно и СТУДЕНО со повремени врнежи од дожд, додека на повисоките места и на планините врнежите ќе бидат од снег. Локално и тоа особено во јужната половина од државава врнежите ќе бидат ПОИНТЕНЗИВНИ и ќе наврнат над 20 л/м2 воден талог. Ќе дува и умерен до засилен ветер од северен правец, додека максималните температури ќе бидат ЗНАЧИТЕЛНО ПОД ПРОСЕКОТ и ќе се искачуваат во интервалот само од 2 до 10 степени.
Да напоменеме дека снежната граница има услови на некои места да се спушти дури и под 1000 м.н.в. И во Скопскиот регион времето ќе биде облачно и значително постудено со повремени врнежи од дожд. Ќе дува умерен, повремено засилен ветер од северен правец, додека на околните планини ќе има услови за слаби врнеи од снег, вели метео прогнозерот Славчо Попоски.
Максималната температура денеска во Скопје ќе се искачи до околу 10 степени.
Според Попоски, од вторник времето ќе биде променливо облачно со повремени локални врнежи од дожд, додека максималните температури ќе бележат тенденција на пораст, а минималните понекаде овие денови ќе се спуштаат и под нулата.
