– За време на овој викенд во Македонија ќе се задржи вистинското пролетно време. Односно времето ќе биде сончево и ТОПЛО со мала до умерена локална облачност и со слаб до умерен ветер од променлив правец. Што се однесува до температурите денес тие ќе се искачуваат во интервалот од 16 до 21 степен, додека утре истите ќе се искачуваат во интервалот од 18 до 23 степени – вели нашиот метео прогнозер Славчо Попоски.
И во Скопскиот регион викендов времето ќе биде стабилно, суво и сончево со мала локална облачност. Ќе дува слаб до умерен ветер од северен правец, а температурата ќе се искачува во интервалот помеѓу 19 и 20 степени.
Потоа во почетокот од следната недела ќе има нешто повеќе облачност и ќе има услови за слаби локални врнежи од дожд.
