– Под влијание на НЕВООБИЧАЕНО ТОПЛА воздушна маса која продира од југ, во Македонија во текот на оваа седмица времето ќе биде претежно стабилно, суво и сончево.
Зголемување на облачноста ќе има од четврток кога ќе започне да дува ветер од јужен и од југоисточен правец и истиот повремено ќе засилува на интензитет. Температурите наутро ќе се спуштаат во интервалот од -2 до 5 степени додека максималните дневни ќе бидат ЗНАЧИТЕЛНО ПОВИСОКИ од просекот за овој дел од годината и ќе се искачуваат во интервалот од 14 до 20 степени.
Во најтоплите централни и југоисточни предели овие денови температурите се очекува да се искачат дури до 23 степени.
Токму поради ова на планините и на Скијачките центри ќе продолжи топењето на снежната покривка.
Во Скопје и околината продолжува периодот на суво и невообичаено топло време за овој период од годината. Наутро температурите ќе се спуштаат во интервалот помеѓу -2 и 4 степени, додека максималните дневни температури ќе се искачуваат во интервалот помеѓу 18 и 20 степени.
Ако продолжи ваквото време (НЕВООБИЧАЕНО ТОПЛО) оваа година ЗНАЧИТЕЛНО ПОБРЗО ќе започне будењето на природата кај нас – вели метеопрогнозерот Славчо Попоски.
За повеќе метео информации следете го Фејсбук профилот на Славчо Попоски – ТУКА.
