Српскиот актер Сергеј Трифуновиќ повторно завршил во затвор, но за брзо време бил ослободен, јавуваат српските медиуми.
Трифуновиќ вчера излегол од затвор, каде поминал 24 часа. Имено, актерот на 10 октомври на покана на Стопанскиот суд се пријавил во Јавното обвинителство на улица Бачванска поради неплатена парична казна, по што веднаш по пресудата бил спроведен во затвор.
Тој поминал само 24 часа зад решетки, бидејќи веќе следниот ден некој ја платил казната за прекршокот и актерот бил ослободен.
Да потсетиме, Сергеј Трифуновиќ неодамна беше уапсен во Сплит, откако граѓаните се пожалија на начинот на кој го шета своето куче. Според хрватските медиуми, Трифуновиќ по пристигнувањето на полицијата наводно почнал да ги навредува и омаловажува полицајците, поради што бил однесен во станица. На крајот за само два дена плати дури и неколку казни, а една година му беше изречена забрана за влез во земјите на ЕУ.
