Златното грло на регионалната народна музика, пејачката Мерима Његомир почина два месеци и 10 дена откако ѝ беше дијагностициран рак на панкреас, на 20 ноември 2021 година, на 68 години.
Таа му беше голема пријателка на пејачот Нино Величковски со кој често настапуваше, а кумановскиот тамбураш многу тешко ја поднесе смртта на неговата пријателка.
Експертите вечат дека симптомите на оваа подмолна болест, која почесто ги погодува мажите отколку жените, се неспецифични, поради што пациентите често ги игнорираат и ги сметаат за привремени заболувања. Обично, пациентите откриваат дека имаат рак на панкреас премногу доцна, или кога болеста ќе се прошири или за време на редовен лекарски преглед, поради што се нарекува „тивок убиец“.
Сепак, според пријателот на Мерима од групата „Легенде“ , Зоран Дашиќ Даша, пејачката почувствувала само еден симптом – болка во стомакот, објави stil.kurir.rs
– Заедно ја снимивме песната „Љубав траје“, и тоа е нејзината последна песна. Ја изведовме заедно во Сокобања пред публика во август. Беше здрава и се чувствуваше одлично. Се сеќавам дека потоа ми се пожали дека ја боли стомакот, но не изгледаше како да се случува нешто сериозно – раскажал Даша.
– Ми беше тешко кога ми ја соопшти ужасната вест, а и самата беше шокирана. Ми призна дека ѝ биле потребни три дена да собере храброст и да ми каже дека е сериозно болна. Рече: „Отидов на лекар поради болки во стомакот, а тие открија дека имам рак на панкреас.“, додаде пејачот.
Пејачката, со помош на семејството и пријателите, се бореше со ужасната болест до последниот здив и имаше надеж дека ќе се излечи.
– Се чувствувам лошо, се борам со сериозна болест. Со голем тим експерти и лекари, се надевам дека ќе се справам со оваа сериозна болест. Ја користам целата моја сила и сè што имав во претходните години, таа моја енергија и со која се обидувам да се справам“, рече Мерима на 10 ноември и додаде дека нејзините деца се нејзини најголеми сојузници во борбата.
– Со големата помош и поддршка од моите деца, како и од пријателите и колегите кои ми помагаат и ме сакаат, ова ми е полесно и се надевам дека ќе можам да се справам на најдобар можен начин. Што да кажам… Се разболев како милиони луѓе што се разболуваат во светот.
Јас отсекогаш сум пукала од енергија, но болката доаѓа и потоа всушност си оставен сам на себе и секако оние околу тебе, а моите четири деца се со мене максимално и се борат заедно со мене, па се надевам дека ќе го надминам сето ова. Ми преостанува само да се борам“, рече Мерима Његомир пред да почине.
Фото: АТА
