За Јован Јованов велат дека никогаш не се менува, а тој секогаш, асоцира на големиот хит „Магија“ која пред две години доби нова верзија, овојпат во дует со Пајак, и сега е повторно хит и кај помладата публика.
Познатиот Џеј Џеј веќе 11 години не живее во Македонија. Во 2014 година со семејството прво замина во Америка, а потоа во Канада, и сега, освен музичката продукција, разви друг успешен бизнис во Торонто, фотографско студио каде што има неколку вработени од Скопје. Деловен партнер во студиото му е Николина, неговата поранешна сопруга.
„Сѐ уште давам поддршка на многу наши нови изведувачи, а многумина наши познати изведувачи се консултираат со мене. Точно сакам да помогнам ако можам. Не сум посветен како автор многу, заради мои други обврски и цели, но ако добијам простор, нормално дека би направил нешто.
Драго ми е што брат ми стана еден од најдобрите музички продуценти и дојде до израз. Секогаш сум тука за консултација, одлука, доколку му треба мое мислење и совет“, рече Јованов за „Слободен печат“ во една прилика.
Јован Јованов покажа дека животот му е убав, а на одмор бил на егзотично место, но не се означил каде, а до објавата од убавата плажа, тој ја објавил песната „Прекрасен живот“ или Wonderful Life од пејачот Блек.
