Поради несреќни околности, кога синоќа на концертот на Калиопи Букле почина жена, нејзиниот настап е откажан.
По тој повод се огласија од организаторите од салата МТС, каде што се организираше овој настан.
– Поради непредвидени околности, концертот на Калиопи закажан за вечерва се одложува, а новиот датум на концертот ќе биде објавен подоцна. Сите купени влезници за вечерашниот концерт ќе важат и за новиот термин. За подетални информации во блиска иднина ќе биде објавено соопштение за медиумите кое ќе биде достапно на веб-страницата на салата МТС, како и на социјалните мрежи на Салата. Ви благодариме на разбирањето – пишува во соопштението.
Починатата жена пристигнала на концертот заедно со пријателките и ќерката, изгубила свест и колабирала, а потоа веднаш била повикана Брза помош. Откако пристигнала Брзата помош, на жената, која имала околу 70 години, ѝ била извршена реанимација, но безуспешно.
Калиопи по овој настан била многу потресена, а наводно дала изјава во полиција.
Калиопи се огласи и на својата инстаграм-страница.
„Ова е најтажен ден во мојата кариера. Денеска, наместо да го славиме животот на мојот концерт, изгубивме живот. Во свое име и во име на целиот мој тим изразуваме најдлабоко сочувство на семејството на починатата личност. Ова е моја прва и единствена изјава за вечерниот немил и многу тажен настан за сите нас… Се надевам дека мојата публика ќе има разбирање за одложувањето на концертот. Новиот термин наскоро ќе биде објавен“, напиша пејачката.
