Снимањето на емисијата „Ѕвезде Гранда“ продолжува и по зимската пауза, а Саша Поповиќ веднаш најави големи промени.
Водителката Сања Кужет замина на породилно, поради што на нејзино место ќе дојде Ана Севиќ, а дополнително на снимањето денеска нема да присуствуваат дури двајца членови на жирито.
Како што рече Поповиќ, Светлана Цеца Ражнатовиќ не дошла бидејќи е болна и има висока температура.
– Расположен сум. Имавме пауза од 100 дена. Продолжуваме со малку изменет тим. Ана Бекута од валидни причини нема да снима пет емисии, а наместо неа ќе дојде Драган Којиќ Кеба, а бидејќи Цеца вчеравечер имаше 40 температура, денеска ќе ја замени Ивана Питерс – изјави Саша.
Саша вели дека прва му паднала на памет Ана Севиќ.
– Кога Сања ми кажа дека е бремена и дека на крајот на февруари ќе биде во петтиот месец, бидејќи тешко ја поднесува бременоста, помислив дека не ѝ е добро да продолжи со емисиите. Веднаш на памет ми падна Ана Севиќ бидејќи и порано беше водителка. Прво што ја прашав беше како се децата и како изгледаш – рече тој.
