Се огласи девојката која се поврзуваше со Немања Гудељ.
Сања Вучиќ за Информер ги откри сите детали за врската со Немања Гудељ, кој се испостави дека е веќе еден месец во врска со Анастасија Ражнатовиќ.
Според медиумите, Сања и Немања биле во врска шест месеци, а раскинале пред еден месец кога Ражнатовиќ и Гудељ ја започнале врската. Во тој момент медиумите објавија дека Сања била таа што решила да ја прекине врската со Немања, а сега пејачката откри што се случувало:
– Знам зошто ми се јавувате и отворено ќе кажам дека нема потреба да бидам лута или разочарана бидејќи јас и Немања сме само пријатели. Многу се сакаме, го познавам целото негово семејство – изјави Сања Вучиќ, членката на „Хурикејн“ за Информер, која тврди дека Гудељ и таа се во добри односи, но сепак негира дека биле во врска.
– Не раскинавме затоа што не бевме ни во врска, но во последно време не се слушавме бидејќи и двајцата имаме многу обврски. Но, останавме во добри односи, зошто да не – продолжи Сања, тврдејќи дека Гудељ и таа се само пријатели.
Сања имала само пофални зборови за Анастасија со која би сакала да сними дует:
– Зошто да не, никогаш не било спорно дека нешто можеме да снимиме. Важно е на двете да ни легне песната. Јас и Анастасија се познаваме, не пиеме кафе заедно, но се познаваме – искрено изјавила Сања за Информер додавајќи дека моментално е сама и дека тоа и одговара поради обврските:
– Година и пол сум сама, се посветив на себеси и мислам дека тоа се гледа. Имам многу работа и сега вака ми одговара, се фокусирав на работата. Што се однесува до љубовта, јас сум млада, има време – заклучи членката на „Хурикејн“.
Во меѓувреме, Анастасија на своето стори на Инстаграм споделува фотографии и видеа од Севиља и од дружењето со сестрата на Гудељ.
