УСАИД ќе формира Фонд за иновации во медиумите на Западен Балкан.
Американската агенција за меѓународен развој (УСАИД) има намера да формира фонд за поддршка на „иновативни производи и услуги“ за медиумите на Западен Балкан, пренесува RT повикувајќи се на релевантен документ. Организацијата вели дека минимум 16 милиони долари ќе бидат достапни за инвестирање во медиумски бизниси.
Проектот ќе ги опфати Србија, Црна Гора, Босна и Херцеговина, Северна Македонија, Албанија, како и Република Косово.
„Овие производи и услуги треба да ја промовираат способноста на граѓаните да пристапат до точни и ажурирани информации, да развијат вештини за критичко размислување или да поддржат зголемена дигитална, медиумска и информациска писменост“, се вели во документот.
Фондот се очекува да финансира „независни“ медиуми, проекти за сајбер безбедност, системи за управување со содржина и анализа на публиката.
