Денешниот ден во музиката посебно ќе го паметиме по дебитантскиот албум на соул составот „The temptations“, кои за првпат им се претставија на пошироката јавност, но и по други работи кои оставија голем белег во оваа уметност.
Во продолжение прочитајте за сите настани кои ја одбележаа историјата на музиката на 20 март:
1950 година – Роден Карл Палмер, британски тапанар, кој свиреше во групите „Crazy world of Arthur Brown“, „Atomic rooster“, „Emerson Lake and Palmer“ и „Asia“.
1964 година – Американскиот пејачки соул состав „The temptations“ го објавија дебитантскиот албум „Meet the temptations“, кој им го донесе првиот голем хит сингл – „The way you do the things you do“.
1981 година – Родена рок пејачката Ирина Капетановиќ, која поради бојата на гласот и енергијата со која располагаше на сцената многумина ја споредуваа со Џенис Џоплин, иако таа се инспирираше од рок вокалите на Дејвид Ковердејл и Брус Дикинсон.
1984 година – Сплитската група „Стијене“ заврши со работа на својот трет студиски албум – „Балканска корида“. Повеќето од 11-те песни ги напиша лидерот на групата и клавијатурист Марин Мишо Лимиќ.
Нумерата која го одбележа овој албум и за многумина претставува најпознат наслов од овој бенд е токму насловната песна, „Балканска корида“, но внимание заслужува и една балада отпеана на англиски јазик – „It’s so Unusual“.
2003 година – Во Загреб е воведена нова хрватска музичка награда – „Златна коогла“. Прогласувањето на добитникот е објавено без музичка програма, која почнува да се организира од следната година.
2009 година – Почина Владимир Савиќиќ Чоби (61), поп пејач роден во Ниш, а музичката кариера ја почна во Сараево, каде во 1967 година ја основаше групата „Вокинс“. Откако групата престана да постои, Чоби продолжи со соло кариера и сними 50 сингл плочи, 30 албуми и издаде три цедиња.
