Авалон известува дека eден од најголемите хард-рок состави на сите времиња Дип парпл на 28 мај ќе одржи голем концерт во Скопје, на стадионот на АРМ.
Што да се каже што не е познато за великаните?
Актуелната долгогодишна петорка: Jaн Гилан, Јан Пајс, Роџер Гловер, Стив Морсе и Дон Ери, плени прво со својата потентност (четири студиски албуми во последните десет години), а потоа и со непрекинатото одржување на турнеи низ сите континенти, за кои критиката е едногласна дека „како времето проаѓа, така овие луѓе се’ подобро и подобро свират во живо“, велат од Авалон продудкција”.
Македонската публика ќе може во живо да ги слушнат класиците: „Smoke on the water“, „Hush“, „Strange kind of woman“, „Woman from Tokyo“, „Knocking at your back door“, „Highway star“ и уште многу други хитови што го одбележаа петдецениското постоење на овој култен и легендарен бенд во музичката историја.
Билетите ќе бидат пуштени во продажба оваа среда, информираат од „Авалон продукција“.
