Барањето за членство во НАТО на Финска и Шведска не претставува закана за Русија, но ќе предизвика одговор од Москва. Ова денеска го изјави рускиот претседател Владимир Путин, цитиран од Риа Новости.
Одговорот на Русија за влезот на Финска и Шведска во НАТО ќе зависи од проширувањето на инфраструктурата на Алијансата, објаснува Путин говорејќи на самитот на Организацијата на Договорот за колективна безбедност. „Проширувањето на НАТО е вештачко“, додава рускиот претседател Владимир Путин, цитиран од руската агенција Тасс.
„За време на специјалната операција во Украина добиени се документирани докази кои сведочат за фактот дека во близина на нашите граници се создадени лаборатории за биолошко оружје“, понатаму објаснува претседателот на Русија.
Инаку, официјалната апликација на Шведска за членство во НАТО се очекува денеска. Потегот во земјата, која се држи надвор од воените сојузи уште од Наполеонските војни, дојде откако Финска ја објави својата подготвеност да се приклучи на НАТО. Денешната дебата и овозможува на социјалдемократската влада да покаже дека има огромна поддршка за членството. Само две од осумте помали левичарски партии се против тоа.
