Ѕвездата на „Аквамен“, актерот Џејсон Момоа престојувал во Италија на снимањето на филмот „Fast X“, десеттиот дел од филмската сага „Fast and Furious“, а минатата недела на Инстаграм објави фотографии од Сикстинската капела.
На 9 мај, актерот објави фотографија во прекрасната капела со фрески на Микеланџело кои ги красат нејзините ѕидови и тавани. Под неа напиша: „Те сакам Италија, каков убав почеток на слободен ден во Рим“. Но, незадоволните обожаватели набрзо го потсетија во коментарите дека посетителите не смеат да фотографираат или да снимаат видеа во Сикстинската капела.
View this post on Instagram
Затоа Момоа во саботата објави видео со извинување.
„Ова е мојот последен ден во Рим и едноставно ве сакам вас и Италија. Ако мислевте дека не ја ценам вашата култура, верувајте ми тоа не беше мојата намера“.
Тој исто така рече дека првпат ги посетил Ватикан и Сикстинската капела кога имал 19 или 20 години. Додаде дека слободните денови во Рим решил да ги помине во обиколка на градот и посета на Сикстинската капела во приватен аранжман, а и донирал одредена сума пари за црквата.
Објасни дека по неговото пристигнување во капелата, обожавателите сакале да се сликаат со него, на што тој се согласил.
View this post on Instagram
„Побарав дозвола, сметајќи дека е правилно. Никогаш не би направил нешто за да покажам непочитување кон нечија култура. Се извинувам ако го сторив тоа. Тоа не беше моја намера“, рече тој.
Неговото видео има повеќе 3,5 милиони прегледи.
View this post on Instagram
