Одговара: Иво Антов, електроинженер по струка, татко на Иво, Мариго, Вилен и Дарен; продуцент, режисер, организатор, поранешен радиоводител, човек со вечна насмевка и секогаш полн со изненадувања. А наскоро подготвува уште едно за публиката, кое засега останува тајна.
Главниот позитивен аспект на твојата личност.
– Позитивизмот.
Кои квалитети ги цениш најмногу кај мажите?
– Имање личен став и чесност, пред сè.
Кои квалитети најмногу ги цениш кај жените?
– Истото.
Твоите главни карактеристики.
– Широка насмевка, променлив волумен, уста слатко-погана.
Што најмногу цениш кај пријателите?
– Лојалноста.
Твојот главен недостаток/мана.
– Да е една…
Твоето омилено занимање.
– Готвење и градинарство.
Твојата идеја за среќата.
– Мир во светот и хармонија помеѓу сите битија, вклучувајќи ја и планетата.
Што може да те направи несреќен?
– Сам себе кога ќе се направам.
Ако не си овој кој си, кој би сакал да бидеш?
– Мојот правнук.
Каде/во која земја би сакал да живееш?
– Во некоја каде што сите се смеат и има топло море.
Твојата омилена музика.
– Секоја онаа што знам да си ја испеам, па макар и со та-на-на-на.
Твојот омилен филм или филмски жанр.
– Животот.
Твојот омилен писател, поет или книга.
– Киш и Џовани ми дојдоа онака, на прва.
Твојот омилен суперјунак?
– Атомската Мравка.
По што чувствуваш носталгија?
– По осумдесетти-деведесетти.
Кога би можел да разговараш со кој и да е човек кој кога и да живеел, кој би бил тоа?
– Никола Тесла.
Дали се извинуваш, дали ги признаваш грешките кога ќе згрешиш?
– Да.
Омилено место за одмор.
– На некоја мека фотелја.
Кафето е…
– Поздрав на сонцето.
