И покрај тековната тешка битка меѓу САД и Русија за Украина, сè уште постои простор за соработка меѓу двете суперсили во космосот.
.@Astro_Sabot is back on Earth after a NASA record-breaking 355 days in space! Next he will fly from Kazakhstan and return to his @NASA_Johnson home base in Houston 24 hours later. pic.twitter.com/S4ZmLlBTlM
— International Space Station (@Space_Station) March 30, 2022
Прегратки во вселената меѓу астронаутот на НАСА Марк Ванде Хеи и руските космонаути Пјотр Дубров и Антон Шкаплеров во Меѓународната вселенска станица, пред да се качат на руското вселенско летало Сојуз и да се вратат на Земјата.
Се стравуваше дека зголемените тензии меѓу САД и Русија поради војната во Украина ќе создадат проблеми за враќањето на 55-годишниот астронаут. Но, самата НАСА на почетокот на март објасни дека нема да има никакви последици за операциите на ISS или враќањето дома на американскиот астронаут.
Сојуз се одвои од вселенската станица во 9.21 часот по наше време. Тројцата астронаути, по речиси пет часа повратен лет, слетаа во степите на Казахстан, во областа на космодромот Бајконур.
Капсулата ја допре земјата во 13:28 часот по наше време и така заврши првото враќање на американски астронаут на руска почва од избувнувањето на војната во Украина. Ванде Хеи и Дубров се враќаат на Земјата по 355 последователни дена на Меѓународната вселенска станица, што е нов рекорд за американски астронаут.
